شمالی وزیرستان میں سکیورٹی فورسز کے آپریشن میں 4دہشت گردوں کوجہنم واصل کردیاگیا۔آئی ایس پی آر کے مطابق سکیورٹی فورسز نے شمالی وزیرستان کے علاقے میرعلی میں انٹیلی جنس بیسڈ آپریشن کیا،شدید فائرنگ کے تبادلے میں انتہائی مطلوب دہشتگرد کمانڈر تبسم عرف قدرمان مارا گیا دہشت گرد کمانڈر تبسم کا ساتھی ساجد عرف سرکنڈی بھی سیکورٹی فورسز کے ہاتھوں ہلاک ہو گئے۔ترجمان پاک فوج کے مطابق دوسری کارروائی ڈیرہ اسماعیل خان کے علاقے کلاچی میں کی گئی ۔شدید فائرنگ کے تبادلے میں 2دہشت گرد مارے گئے۔ہلاک ہونے والے دہشت گردوں سے ہتھیار اور بارودی مواد برآمد،دہشت گرد سکیورٹی فورسز کے خلاف کارروائیوں کے ساتھ عام شہریوں کی ٹارگٹ کلنگ اور بھتہ خوری میں بھی ملوث تھے۔آئی ایس پی آر کے مطابق ہلاک دہشت گرد قانون نافذ کرنے والے اداروں کو انتہائی مطلوب تھے۔ علاقے میں کسی دوسرے دہشت گرد کو ختم کرنے کے لیے کلئیرنس آپریشنز کیے گئے علاقہ مکینوں نے کارروائیوں کو سراہا اور دہشت گردی کی لعنت کے خاتمے کے لیے بھرپور تعاون کا اظہار کیا۔
جواب دیں