منقبت مخدوم اشرف سمنانی ، نئی منقبت ، اے اشرف زمانہ

منقبت درشانِ مخدوم زمن ، غوثِ سمناں ، حضرت سید شاہ مخدوم اشرف جہانگیر سمنانی علیہ الرحمہ کچھوچھوی کے بارے لکھی گئی ہے جو کہ بہت ہی محنت کے بعد کافی تائم لگاکر تیار کی گئی ہے امید ہے ضرور قبول فرمائیں گے تو ملاحظہ فرمائیں منقبت مخدوم اشرف سمنانی
======

منقبت مخدوم اشرف سمنانی

تیرا نَسَب “حُسینی” ، سادات ہے گھرانہ
اے اشرفِ زمانہ
“حیدر” ہیں جَدّ امجد “شاہِ اُمم” ہیں نانا
اے اشرفِ زمانہ

ابدال در پہ آئیں ، اَوتاد سر جھکائیں
راہِ صفا کا رہبر، ولیوں نے تم کو مانا
اے اشرفِ زمانہ

ٹھوکر میں تختِ شاہی، تعمیرِ حق کے راہی
سَیَّاحِ بزم عالَم، فطرت مجاہدانہ
اے اشرف زمانہ

علم و ہنر کا جامہ ، تقویٰ کا ہے عمامہ
“لایَحزَنُوں” سے پایا، کردار غازیانہ
اے اشرفِ زمانہ

سِمناں کے شاہِ عالی ، روحانیت کے والی
مسکن ترا کچھوچھہ ، پَنڈوَہ ہے پیر خانہ
اے اشرفِ زمانہ

آگے کے اشعار منقبت مخدوم اشرف سمنانی

محبوبِ شاہِ جیلاں، “یحییٰ” کے دل کے ارماں
مخدومِ بزمِ عرفاں ، ہستی تری یگانہ
اے اشرفِ زمانہ

دھیان رہے یہاں اشرف زمانہ سے مراد حضور مخدوم اشرف ہیں

بھٹکے ہوؤں کی منزل، اے ڈوبتوں کے ساحل
ٹالو ہماری مشکل ، دکھ درد ہو روانہ
اے اشرفِ زمانہ

اے قبلہ گاہِ عالَم ، خلقِ خدا کے ہمدم
بزم جہاں میں دائم ، چمکے یہ آستانہ
اے اشرفِ زمانہ یعنی منقبت مخدوم اشرف سمنانی

ہر سٗو ہےظلم و سازش، ہے آپ سے گزارش
اعداے دیں پہ برسے ، عبرت کا تازیانہ
اے اشرفِ زمانہ

زندہ جگر عطا ہو ، خود دار سر عطا ہو
اونچی نظر عطا ہو ، اور دل بہادرانہ
اے اشرفِ زمانہ

علم و عمل کے خُوگر ، صبر و رضا کے پیکر
تم سے زمانہ سیکھے ، صحرا میں گل کھلانا
اے اشرفِ زمانہ

آواز جب لگائ ، امداد ہم نے پائ
شاہا تری گدائ ، عزت کا شامیانہ
اے اشرف زمانہ

ملت کے چاند تارے، شیدائ ہیں تمہارے
انوار کا حرم ہے ، تیرا یہ آشیانہ
اے اشرفِ زمانہ

پیدا ہو بھائ چارہ ، اُمت میں پھر دوبارہ
یکجائ کا ہو نعرہ ، مومن ہوں پھر توانا
اے اشرفِ زمانہ

گلزارِ اشرفیت ، اس کی بہار و رَنگت
دائم رہے سلامت ، یہ فیض کا خزانہ
اے اشرفِ زمانہ

دارین کا شَرَف ہے،عزت کا یہ شَغَف ہے
لکھتا رہے فریدی اَسلاف کا ترانہ
اے اشرفِ زمانہ
=======
یہ تھا منقبت مخدوم اشرف سمنانی جو کہ آپ لوگوں نے پڑھ لیا امید ہے پسند آیا ہوگا