دوسرا ٹی ٹونٹی آج، قومی کرکٹرز کی ہملٹن میں پریکٹس، کوچز

لاہور(سپورٹس رپورٹر) پاکستان کرکٹ ٹیم آکلینڈ سے ہملٹن پہنچ گئی، پانچ کھلاڑیوں نے پریکٹس سیشن میں حصہ لیا ، پاکستان اور نیوزی لینڈ کے درمیان دوسرا ٹی ٹوٹنی میچ آج اتوار کو ہملٹن میں کھیلا جائیگا۔میچ صبح 11بج کر 10منٹ پر شروع ہوگا ، نیوزی لینڈ کو پانچ میچوں کی سیریز میں 1-0کی برتری حاصل ہے۔پاکستان کرکٹ ٹیم کے پانچ کھلاڑیوں محمد نواز‘حسیب اللہ‘ صاحبزادہ فرحان‘وسیم جونیئر اور زمان خان نے ہملٹن میں دو گھنٹے کے پریکٹس سیشن میں حصہ لیا۔ٹیم ڈائریکٹر محمد حفیظ اور کوچنگ سٹاف نے کھلاڑیوں کو بہترین کارکردگی دکھانے کیلئے مشورے دیئے ۔ کوچز نے سیریز برابر کرنے کیلئے حکمت عملی تیار کرلی ۔ کھلاڑی سیریز برابر کرنے کیلئے پر عزم دکھائی دیئے ۔ دونوں ٹیموں کے درمیان سیریز کا تیسرا ٹی 20 میچ 17 جنوری کو ڈونیڈن ، چوتھا میچ 19 جنوری کو کرائسٹ چرچ جبکہ پانچواں اور آخری ٹی 20 میچ 21 جنوری کو کرائسٹ چرچ میں کھیلا جائے گا۔